Cia Maria Cangas

Un percorrido polas músicas do mundo nun concerto en directo para Infantil, 1º e 2º de Primaria 

Subidos ó tren da imaxinación, ben agarrados as butacas do auditorio e  da man de Alegría, Colorín e Colorado, os alumnos de Educación Infantil, 1º e 2º de primaria, disfrutaron dun pequeno concerto en directo con cancións infantis de diferentes lugares  do planeta.

Neste espectáculo,  “El pequeño musical”, que tiña como  finalidade introducir  os nenos  e nenas a través da música na interculturalidade e diversidade entre pobos, deron a volta ó mundo nun tren imaxinario para coñecer  os  diferentes estilos musicais  e instrumentos tradicionais de cada un dos países que visitaron.

A  viaxe non rematou  alí, cada un dos alumnos poderá prolongala canto desexe, escoitando e aprendendo as cancións do musical cun CD recopilatorio que levaron para casa.