O Programa de seguimento de lixos mariños en praias de Cangas é un proxecto de investigación realizado polos alumnos de Bioloxía e Xeoloxía de 4º ESO do Colexio Compañía de María de Cangas, coordinados polo seu profesor.

O Proxecto ten como socio colaborador á empresa Frigoríficos del Morrazo, S.A.

Consideramos lixo mariño a calquera sólido persistente de orixe non natural (producido ou transformado polo home), que sexa rexeitado, depositado ou abandonado en ambientes mariños e/ou costeiros.

Obxectivos:

• Iniciar aos alumnos na investigación seguindo o método científico.
• Promover a educación medioambiental dos alumnos.
• Realizar unha certa limpeza das praias obxecto de estudo.
• Dar a coñecer o estado das nosas praias á cidadanía e ás autoridades competentes.
• Promover a concienciación cidadá no coidado do medioambiente.

Acceso á web do proxecto aquí.