A biblioteca é un elemento dinamizador e un centro de recursos de lectura, información e aprendizaxe.

Levamos a cabo a actualización continua dos espazos, mobiliario, recursos tecnolóxicos e fondos, revisándoos anualmente e dando reposta ás necesidades do noso alumnado en materia de lectura, formación e información.

Ao longo do curso, realízanse diferentes actividades de promoción e fomento da lectura coma o préstamo de libros, contacontos, encontros con escritores e escritoras, visitas guiadas cos alumnos máis pequenos, traballos por proxectos e colaborativos, poñendo especial atención nos días conmemorativos marcados no calendario.

A nosa biblioteca entrou a formar parte do Plan de Mellora de Bibliotecas Escolares de Galicia (PLAMBE) no curso 21/22, o cal promove transformar a biblioteca escolar nun centro de recursos para a lectura, a información e a aprendizaxe, de carácter dinámico e en constante actualización.

Todas as actividades, novidades e dinámicas realizadas desde a biblioteca podedes  consultalas no blog.